Dena bi jainkoren –Zeusen eta
Poseidonen– arteko liskar baten ondorioz hasten da. Bi jainko horiek Tetis
itsas ninfaren maitasunarengatik ari ziren elkarren lehian. Baina Tetisen semea
aita baino askoz boteretsuagoa izango zela jakitean, atzera egin zuten. Hala
ere, Tetis gizaki batekin ezkontzea erabaki zuten: Peleo gaztearekin, alegia,
egungo Greziaren iparraldean bizi ziren mirmidoien erregearekin. Ezkontza
horretatik Akiles jaio zen.
Sophilos magolariaren zehaztasunaTetis eta Peleoren eskontzaren segizioa: Quirón, Hebe; Dioniso eta Leto |
Tetisen eta Peleoren arteko
ezkontza ospakizun sozial garrantzitsua izan zen. Ia jainko guztiak joan ziren
bertara. Joan ez zena desadostasunaren jainkosa Eride edo Eris izan zen. Hobe
esanda, joan zen, baina desadostasuna sorrarazteko. Eztei-oturuntzaren aretoan
agertu zen bat-batean eta urrezko sagar bat jaurti zuen “ederrenarentzat” zela
esanez. Eta nor zen ederrena? Luzaroan eztabaidatu ondoren, “ederrena” hiru
emakume jainko hauetako bat izango zela erabaki zen: Hera, Atenea edo Afrodita.
Zeusek proposatuta, azken
erabakia munduko gizonik ederrenak hartu behar zuen. Hori Paris zen, Priamo eta
Hekuba Troiako errege-erreginen berrogeita hamar seme-alabetako bat. Jaio
zenean gurasoek abandonatu egin zuten, haren amak Troiaren hondamena ekarriko
zuela amets egin baitzuen. Baina bizirik irautea lortu zuen eta hiritik urrun
artzain izan zen, harik eta azkenean errege-etxean onartu zuten arte.
Zeusek Hermes bidali zuen hiru jainkosekin Ido mendira
Hermes: agur, artzaina
Paris: agur zeuri ere, Nor zaitut? zerk ekarri zaitu nire herrialdera? nor dira zure gidaritzapean datozen emakume horiek? Horren polita izanik, es dira, ez, mendiz mendi ibiltzeko jaioak.
Hermes: Ez dira emakumeak ordea, Paris1 Hera, Atenea, Afrodita dituzu aurrean; eta nik Hermes nauzu, Zeusek hona bidalia. Baina..... zergtik zaude dardaraka eta zurbil?. Ez beldur izan; ez da ezer txarrik; jainksa hauen edertasunaren epaile izan zaitezen agintzen dizut Zeusek. Esan du, ederra eta amodio-kontuetan aditua zarenez gero, zeure esku uzten duela erabakia. Sagar honetako inskripzioa irakurrita ezagutuko duzu irabazlearen saria.
Zeusek Hermes bidali zuen hiru jainkosekin Ido mendira
"Parisen epaiketa"Angelika Kauffmann (1741-1807) |
"Parisen epaiketa" Rubens 1547-1640 |
"Parisen epaiketa"Renoir 1841-1919 |
Hermes: agur, artzaina
Paris: agur zeuri ere, Nor zaitut? zerk ekarri zaitu nire herrialdera? nor dira zure gidaritzapean datozen emakume horiek? Horren polita izanik, es dira, ez, mendiz mendi ibiltzeko jaioak.
Hermes: Ez dira emakumeak ordea, Paris1 Hera, Atenea, Afrodita dituzu aurrean; eta nik Hermes nauzu, Zeusek hona bidalia. Baina..... zergtik zaude dardaraka eta zurbil?. Ez beldur izan; ez da ezer txarrik; jainksa hauen edertasunaren epaile izan zaitezen agintzen dizut Zeusek. Esan du, ederra eta amodio-kontuetan aditua zarenez gero, zeure esku uzten duela erabakia. Sagar honetako inskripzioa irakurrita ezagutuko duzu irabazlearen saria.
Parisi hiru jainkosak agertu
zitzaizkion, bakoitzak proposamen bat zuela. Herak Europako eta Asiako errege
izango zela agindu zion; Ateneak jakinduria eta Troiako armadaren burutza, eta
ondorioz, garaipena eskaini zizkion; Afroditak munduko emakumerik ederrena
opatu zion.
Parisek horietako jainkosa baten
eskaintza aukeratu behar zuen. Eta hala egin zuen: Afroditaren eskaintza onartu
eta urrezko sagarra eman zion. Orduan, Herak eta Ateneak Troia suntsituko
zutela zin egin zuten.
Parisek urrezko sagarra Afroditari eskaini zion.
Troiako Guerra
Munduko emakumerik ederrena
Espartako erregearen alaba zen: Helena. Alabaina, Helena Agamenonen anaia
Menelaorekin zegoen ezkonduta. Agamenon Mizenasko erregea eta Greziako
erregerik boteretsuena zen.
Troiako Helena |
Paris Menelaoren gortera iritsi zenean, harrera ona jaso zuen. Baina, eskaini zioten abegi ona aprobetxatu ondoren eta bizikidetzako araurik oinarrizkoenak errespetatu gabe, Helenarekin ihes egin zuen Troiara. Troiarrek bikotea onartu zuten azkenean, haiekin batera hondamendia etorriko zela jakin arren.
Paris eta Helena |
Horrelakoetan, printze (basileis)
akeo guztiek elkartasuna zor zioten elkarri. Hortaz, denak elkartu ziren
Helenaren bahiketagatik mendeku hartzeko. Uzkurrenak denborarekin osperik
handiena hartuko zutenak izan ziren, hain zuzen: Akiles eta Odiseo (latinezko
izenarengatik ezagunagoa: Ulises).
Akiles |
Agamenón |
Menelaoren eta Agamenonen
agintearen mende, gerrariz betetako mila itsasontzi greko itsasoratu ziren
Troiarantz eta ontzidi grekoak Troiara abiatzerakoan llehorreratzea lortu zuen. Eta horrela hasi zen hamar urte
luze iraungo zuen setioa.
Gerra haren berezitasunetako bat
indarren oreka izan zen. Erasotzaile akeoak gehiago ziren, baina troiarrek
bertako biztanleak eta urrutiagoko herriak zituzten aliatu, eta hori dela eta,
beti zeuden hornituta. Horrez gain, harresi bikaina zuten, bisitariek asko
miresten zutena.
Panteoi grekoaren jainkoek ere
zuzenean hartu zuten parte eta alderdi baten edo bestearen alde jarri ziren.
Zeusek, Afroditak, Artemisek eta Aresek troiarrak zituzten gogoko eta Herak,
Ateneak eta Poseidonek, berriz, akeo-grekoak.
Menelao, Paris, Diomedes, Odiseo, Néstor, Aquiles y Agamenón |
Heroi grekoak eta troiarrak
(Agamenon, Paris, Menelao, Diomedes, Hektor, Ayax, Akiles, Odiseo...), askotan
jainkoen parte hartzearekin, beren artean borrokatu ziren maiz. Asko borrokan
hil ziren, gainera.
Esan dugun bezala, kontakizun
nagusian makina bat istorio txiki topa daitezke. Horietako bat su-etenaldi
batean gertatzen da eta Akiles du protagonista.
Akilesek Troilo hil zuen, Troiako
errege Priamoren semerik gazteena. Orakuluari esker, grekoek jakin zuten Troilo
umea adin-nagusitasunera heltzen bazen, ezin izango zutela Troia konkistatu.
Akilesek galarazi zuen. Baina ekintza horrek Apolo jainkoaren haserrea eragin
zuen, zeinak mendeku hartzeko abagunea itxaron zuen. Akilesen eta Parisen
arteko borroka batean, Apolok troiarraren gezi bat zuzendu zuen Akilesen
orporantz, alegia, bere gorputzeko atal ahul bakarrerantz. Txikitan, amak
osorik sartu omen zuen Estigia ibai mitologikoan hilezkor bihurtzeko, baina
nonbaitetik heldu behar eta orpotik oratu zuen. Horixe izan zen, beraz,
uretatik kanpo geratu zen gorputzeko atal bakarra.
Akilesek, ordea, bazekien hil
egingo zela, haren bizitza arerio zuen Hektor troiarraren bizitzari lotuta
baitzegoen. Bata hiltzen bazen, bestea ere hil egingo zen. Hektorrek Patroklo
hil zuenean, Akilesen lagunik hoberena, horrek ezin izan zuen jasan eta Hektor
hil zuen.
Akiles gabe, grekoen eraso
egiteko ahalmena murriztu egin zen. Odiseo (Ulises), orduan, garrantzitsuago
bihurtu zen.
Alabaina, troiarren artean ere
hildako asko egon ziren; horien artean, Paris.
Odiseok –Atenea jainkosaren
laguntzarekin– historiako trikimailurik ospetsuena abiatu zuen, beste gerra
batzuetan, modu batean zein bestean errepikatu dena: Zurezko Zaldia. Kontua zen
hirian gizon batzuk sartzeko modua topatzea, defendatzaileak ezertxo ere
susmatu gabe. Troiarrek eskuratu nahi izango zuten zaldi erraldoi bat
eraikitzea bururatu zitzaien.
iruzkinik ez:
Argitaratu iruzkina